Ирэх даваа гараг буюу хоёрдугаар сарын 3-наас эхлэн 18 телевизийн сувгаар ЕБС, цэцэрлэгийн сурагчдад теле хичээл заана.

БНХАУ-д гарч буй шинэ төрлийн коронавирусийн халдвараас урьдчилан сэргийлэх зорилгоор өмч харгалзахгүй ЕБС, цэцэрлэгийн үйл ажиллагааг гуравдугаар сарын хоёрныг хүртэл зогсоосон. Энэ хугацаанд сурагчдад телевизээр хичээл заах бөгөөд БСШУСЯ-наас теле хичээлийн хуваарийг гаргажээ. Теле хичээлийг БСШУСЯ, Монголын телевизүүдийн холбоотой хамтран хүргэж байгаа ажээ. 

ЕБС-ийн 1-12 дугаар ангийн сурагчид болон цэцэрлэгийн багачуудад зориулсан теле хичээлийн цагийн хуваарийг хүргэж байна.