GS25 сүлжээ дэлгүүрийн салбарын худалдагчийг дээрэлхэн хулгай хийж буй бичлэг цахим орчинд нийтлэгдсэн. Энэ талаар цагдаагийн байгууллагаас тодруулахад "Нийслэлийн хэмжээнд үйл ажиллагаа явуулдаг зах, худалдааны төв болон CU, GS25 зэрэг сүлжээ дэлгүүрүүдэд хулгайлах, залилах төрлийн гэмт хэрэг үйлдсэн байж болзошгүй этгээдийг олж тогтоон мөрдөн шалгах ажиллагааг явуулж байна. Сэжигтэй этгээд болох 18 настай, эрэгтэй “Г” нь дээрх аргаар зургаан удаагийн гэмт хэрэг үйлдсэн болох нь урьдчилсан байдлаар тогтоогдсон.

Тус этгээдийг СХД-ийн цагдаагийн гуравдугаар хэлтэст шалгаж буй бөгөөд олон үйлдэлтэй хэргийн этгээд тул цагдан хорьсон" гэлээ.