Сүүлийн өдрүүдэд хүчтэй халдлагад өртөж буй Украины зүүн хойд хэсгийн Сумы хотоос мягмар гаригт 5000 орчим хүн, 1000 машин нүүлгэн шилжүүлсэн гэж Украины Ерөнхийлөгчийн Тамгын газрын дэд дарга Кирилл Тимошенко мэдэгдлээ. Тэрбээр энэ тухайгаа “Telegram” сувгаар дамжуулан мэдэгдсэн бөгөөд нүүлгэн шилжүүлэх үеэр явж буй хүмүүсийн дүрс бичлэгийг нийтэлсэн байна.

Иргэдийг хувийн машин, автобусаар зөөж, Украины төвөөс 160 км зайд орших Полтавад шилжүүлсэн аж.

Мөн даваа гаригийн шөнө тус хотод болсон агаарын довтолгооны улмаас 21 хүн амиа алдсан гэх мэдээлэл байна.

Эх сурвалж: CNN