АНУ-ын Ерөнхийлөгч Жо Байден даваа гарагт Украины Ерөнхийлөгч Владимир Зеленскийтэй ярилцаж, Оросын пуужингийн довтолгоог буруушааж, АНУ-ын аюулгүй байдлын тусламж, тэр дундаа агаарын довтолгооноос хамгаалах дэвшилтэт системүүдийг үргэлжлүүлэн үзүүлэхээ амласан гэж Цагаан ордноос мэдэгдлээ.

Харин ямар дэвшилтэт системийн талаарх мэдээлэл өгөөгүй аж.

Тэрбээр Украин даяар, тэр дундаа Киевт Оросын пуужингийн цохилтыг буруушааж байгаагаа илэрхийлж, эдгээр халдлагын үеэр олон хүн амь үрэгдсэнд эмгэнэл илэрхийлжээ. Мөн тэрбээр холбоотнууд болон түншүүдтэйгээ хамтын ажиллагаагаа үргэлжлүүлж, Орост зардлаа ногдуулж, дайны гэмт хэрэг, харгис хэрцгий үйлдлийнхээ төлөө Орост хариуцлага тооцож, Украинд аюулгүй байдал, эдийн засаг, хүмүүнлэгийн тусламж үзүүлэхээ онцолсон байна.