Бямба гарагийн өглөө Крымийн хойгийг ОХУ-ын эх газартай холбодог цорын ганц гүүр дэлбэрч, шатсан нь Кремлийн эрх баригчдын Украинд явуулж буй “цэргийн тусгай ажиллагаа”-нд том цохилт болсон юм. Тэгвэл тус дэлбэрэлттэй холбоотойгоор 8 хүнийг саатуулсан гэж ОХУ мэдэгджээ. Баривчлагдсан хүмүүсийн тав нь Орос, бусад нь Украин, Армен байсан гэж тус улсын ФСБ-ын аюулгүй байдлын алба мэдэгдсэн байна. Энэ халдлагын ард Киев байгаа гэж мэдэгдсэн Оросын мөрдөн байцаагчийн мэдэгдлийг Украины албаны хүн "Утгагүй зүйл" хэмээжээ.

Крымийн гүүрэн дэх дэлбэрэлт нь Орос Крымийг өөртөө нэгтгэснээс хойш дөрвөн жилийн дараа буюу 2018 онд уг гүүрийг нээсэн ОХУ-ын Ерөнхийлөгч Владимир Путинд "хүнд" цохилт болсон аж.