ОХУ-ын Ерөнхийлөгч Владимир Путиний хэвлэлийн их хурал өчигдөр болсон . Тэрбээр 17 дахь жилдээ нээлттэй хэвлэлийн хурал хийж, сэтгүүлчидтэй уулзаж байгаа юм. Москва хотын үзэсгэлэнгийн гол танхим болох Манеж руу шилжүүлсэн энэ жилийн хэвлэлийн хуралд Орос, гадаадын 507 сэтгүүлч оролцжээ.

Хурлын үеэр Буриадын сэтгүүлч Баярма Раднаева Оросын ерөнхийлөгчөөс Улаан-Үд хотод болсон ДЦС-ын осолтой холбоотой нөхцөл байдал, Буриадын нутаг дэвсгэрт орших Байгал нууртай холбоотой асуулт асуусан нь түүний анхаарлыг татжээ. Улмаар В.В.Путин Буриадын сэтгүүлчийг тус хурлын хэвлэлийн төлөөлөгчөөр ажиллахыг санал болгосон байна.