УИХ-ын гишүүн Л.Гантөмөр Өрөг.мн сайтын нэвтрүүлэгт ярилцлага өгөх үеэрээ "Газар дээр юм тарина гэдэг Монгол хүнд бараг 10–20 жил болох ажил. Хятад цустай хүмүүс хурдан ургуулаад байдаг. Сэлэнгэ хавиас зөндөө л байгаа биз дээ. Тэднийг би муу хүн гэж байгаа юм биш. Өвөг дээдсээс авсан эрдэм гэж байна шүү дээ" гэж хэлсэн нь олон нийтийн дунд багагүй шүүмжлэл дагуулаад байна. Тэгвэл түүний илэрхийлсэн эл байр суурьтай холбоотойгоор "Шилэн" гэх иргэн Б.Цогтгэрэл ҮХЦ-д хандаж байгаагаа мэдэгдлээ. Тэрбээр өөрийн цахим хуудсаараа дамжуулан "Монгол Улсын Үндсэн хууль зөрчсөн УИХ-ын гишүүн Лу.Гантөмөрийг Үндсэн хуулийн цэцэд өгнө" гэсэн юм.