АНУ-ын Ерөнхийлөгч Дональд Трамп болон тэргүүн хатагтай Меланиа Трамп нар коронавирусээр халдварлаж Уолтер Рид үндэсний эрүүл мэндийн төвд тусгаарлагдан эмчлүүллэх аж. Ингэхдээ Трамп, Меланиа хоёр нэгдсэн улсын хамгийн шилдэг 7000 орчим эмч, ажилчнаар үйлчлүүлэх гэнэ.

Эмнэлэг нийт 88 барилгатай бөгөөд Трамп тусгайлан бэлдсэн "Уард 71" хэмээн нэрлэдэг армийн өндөр албан тушаалтнууд, Цагаан ордны удирдлагууд зэрэг тусгай зочдод үйлчлэх зориулалттай хэсэгт тусгаарлагдах байна.

“Ерөнхийлөгчийн хэсэг нь гаднаасаа маш найдвартай хамгаалалтын төхөөрөмж, харилцаа холбооны хэрэгслүүдээр тусгайлан тоноглогдсон” хэмээн Билл Клинтон, Жорж Буш нарын эмч асан, өдгөө Цагаан ордны Эрүүл мэндийн хэлтсийн дарга, адмирал Конни Мариано хэлжээ. Ерөнхийлөгчийн хэсэг дэх хоолны өрөөнд болор гэрлийн бүрхүүл, хоолны ширээ зэрэг тансаг тавилгууд, эмнэлгийн ор, зочин хүлээж авах буйдан, аюулгүй байдлын технологиуд байдаг гэнэ.

"Уард 71" тусгай эмнэлэг Цагаан ордноос 14.5 км зайд байх бөгөөд нийт 244 энгийн, 50 тусгай төхөөрөмж бүхий ортой байна. Түүнчлэн тусгай хамгаалалттай 165 өрөө байдаг нь ханандаа салгаж болдог “Смарт Сьютс” технологитой, түүнийг ашиглан өвчтөнүүд гадаад орчинтой харилцаа холбоо тогтоох, утасгүй интернэтэд холбогдох, зугаацах боломжтой юм.