Сагсан бөмбөгийн дээд лигийн хагас шигшээ цувралд Эйпс, Бодонс багууд учраа таарсан. Хоёр багийн цувралын дөрөв дэх тоглолт өчигдөр болж Эйпс хожил байгуулж цувралын харьцааг 2-2 болгон тэнцүүлсэн.

Уг тоглолт дууссаны дараа Бодонсын удирдлага Л.Наранбаатар талбайгаас гарах үедээ хөгжөөн дэмжигчид рүү салаавч гаргасан. Монголын сагсан бөмбөгийн холбооноос уг үйлдлийг үзэгчдийг үл хүндлэх, ёс зүйгүй улмаар эмх замбараагүй байдалд өдөөн турхирсан гэж үзэн Л.Наранбаатарыг нэг тоглолтоор бандаж, харин багт нь 1,000,000 төгрөгийн торгууль ногдуулсан байна.

Хоёр багийн цувралын тав дахь тоглолт маргааш 19:10 цагаас болно.