Эрүүл Мэндийн Хөгжлийн Төв, Нийгмийн эрүүл мэндийн үндэсний төвөөс халдварт өвчний нөхцөл байдлын талаар мэдээлэл өглөө. Тодруулбал, жилийн эцсийн байдлаар 2023 онд улсын хэмжээнд бэлгийн замаар дамжих халдварт өвчний 10245 тохиолдол бүртгэгдсэн нь нийт халдварт өвчний 25 хувийг эзэлж байна. Бэлгийн замаар дамжих халдварт өвчний 4206 /41.1%/ тохиолдлыг тэмбүү, 3579 /34.9%/ тохиолдлыг заг хүйтэн, 2437 /23.8%/ тохиолдлыг трихомониаз тус тус эзэлж байна. Өнгөрсөн оны мөн үетэй харьцуулахад тэмбүүгийн өвчлөл 154 тохиолдлоор өссөн байна.