Энэ мэдээ хуучирсан буюу 2023/10/10-нд нийтлэгдсэн мэдээ болно.

Гашуунсухайт шилжүүлэн ачих терминалын барилга угсралтын ажил 76 хувьтай явж байна

Ангилал
Нийгэм
Огноо
Унших
1 минут 36 секунд

Гашуунсухайт шилжүүлэн ачих терминалын барилга угсралтын ажил 76 орчим хувийн гүйцэтгэлтэй байгааг Зам тээврийн хөгжлийн яамнаас мэдээллээ.

Газар шороо, дөрвөлжин, дугуй хоолой, дээд бүтцийн ажлууд бүрэн хийгдэж дууссан байна.

Гашуунсухайт шилжүүлэн ачих терминал нь Тавантолгойн бүлэг ордоос төмөр замын тээврээр ачигдсан чингэлэгтэй ачааг вагоноос автомашинд, вагоноос вагонд шилжүүлэн ачих, хадгалах, гаалийн бүрдүүлэлт, төлбөр тооцоо хийх зэрэг нэг цэгийн үйлчилгээ бүхий 24 цагийн тасралтгүй үйл ажиллагаатай.

Тус байгууламж нь жилд 12 сая тонн ачааг шилжүүлэн ачих хүчин чадалтай, ачилт, буулгалтын 74 га талбайтай.

Одоогоор бетон талбайн барилга угсралтын ажил 60 орчим хувийн гүйцэтгэлтэй байгаа ба нэг удаад 2,100 чингэлэгтэй ачааг буулгах хүчин чадалтай, нийт 985 метр урт, 64 метр өргөн, 0,3 метр өндөртэй байхаар төлөвлөгдсөн тус талбайг энэ сарын 20-ны өдөр бүрэн ашиглалтад оруулахаар ажиллаж байна.

Шилжүүлэн ачих терминал төслийн хүрээнд удирдлагын байр, нэг цэгийн үйлчилгээний байр, харуулын байр, авто засварын төв, амрах байр зэрэг нийт 9 барилга баригдаж байгаа ба тус төсөл бүрэн ашиглалтад орсноор 285 байнгын ажлын байр шинээр бий болно.

Ж.Ганбат: 10 сая тонны Баяжуулах үйлдвэр ирэх онд ашиглалтад орох ч боловсон хүчин хомс байна
Ж.Ганбат: 10 сая тонны Баяжуулах үйлдвэр ирэх онд ашиглалтад орох ч боловсон хүчин хомс байна
 
Х.Нямбаатар: З.Энхболд оо, Ойр орчмыг вирустуулж явахаар шүүх хуралдаа гутлаа тослоод, зангиагаа зүүгээд оч
Х.Нямбаатар: З.Энхболд оо, Ойр орчмыг вирустуулж явахаар шүүх хуралдаа гутлаа тослоод, зангиагаа зүүгээд оч
Энэ мэдээ хуучирсан буюу 2023/10/10-нд нийтлэгдсэн мэдээ болно.