Үйлдвэржилтийн бодлогын байнгын хороо өнөөдөр хуралдлаа. Хурлаар Эрдэнэс-Тавантолгой ХК-д тогтоосон онцгой дэглэмийн хугацаанд гүйцэтгэсэн ажлын тайланг сонсож, хугацааг сунгах эсэх асуудлыг хэлэлцсэн юм.

Байнгын хороогоор онцгой дэглэмийн хугацааг он дуустал сунгах саналыг гаргажээ. Энэ үеэр “Эрдэнэс Тавантолгой” ХК-ийн Засгийн газрын Онцгой бүрэн эрхт төлөөлөгч Ж.Ганбат "10 сая тонны Баяжуулах үйлдвэр ирэх онд ашиглалтад орно. Үүнд Монгол Улс боловсон хүчнээ бэлдэх ёстой. Ний нуугүй хэлэхэд, өнөөдрийн байдлаар Баяжуулах үйлдвэрт хяналт тавих, энд ажиллах боловсон хүчин хомсдолтой байна.

Тиймээс ШУТИС-ийн Уул уурхайн сургуультай хамтарч арга хэмжээ авч хэрэгжүүлж байна" гэлээ.