Улаанбаатар хотод нөөцийн махыг хүнсний 481 дэлгүүр, сүлжээ дэлгүүрээр борлуулж байна. Түүнчлэн өргөтгөсөн худалдааг ажлын өдрүүдэд арван байршилд, амралтын өдрүүдэд 33-35 байршилд зохион байгуулж буй. Өргөтгөсөн худалдаагаар махыг гулуузаар борлуулж байгаа бол хүнсний дэлгүүрүүдэд жижиглэнгээр худалдаж байна.
Энэ амралтын өдрүүдээр 10:00-16:00 цагийн хооронд нийслэлд:
- Баянгол, Баянзүрх, Сонгинохайрхан, Хан-Уул дүүрэгт тус бүр зургаа,
- Чингэлтэй дүүрэгт дөрөв,
- Сүхбаатар дүүрэгт гурав,
- Багануур, Налайх дүүрэгт тус бүр нэг, байршилд өргөтгөсөн худалдаа болно.
