Нобелийн шагналт Японы зохиолч Кензабуро Оэ 88 насандаа таалал төгсчээ.

Кэнзабуро Оэ нь 20 гаруй роман, тууж, хэд хэдэн өгүүлэгийн түүвэр гаргаж дэлхийд нэр алдар нь түгсэн юм. Оэ зохиолдоо орчин цагийн хүний хариуцлагагүй байдал, ганцаардлын асуудлыг хөндөж Японы нийгэмд залуусын эзлэх байр суурийн талаар хөнддөг байв. Үүнийх нь төлөө түүнийг Японы Сэлинжер гэж нэрлэсэн юм. Харин зохиогч өөрийн уран бүтээлийг реализмын шоглол гэж үздэг.

1994 онд Нобелийн утга зохиолын шагнал хүртсэн Оэ уран бүтээлийн ажлаас гадна нийгмийн идэвхтэн байв. Тухайлбал, цөмийн эрчим хүчгүй Японы төлөө тэмцэн «Баяртай, Фукусима!» гэсэн уриан дор олон цуглаан зохион байгуулж байжээ.

Х.Зориг