АТГ-аас нүүрсний хэргээр яллагдагчаар татагдсан УИХ-ын долоон гишүүний гурвыг нь буюу Т.Аюурсайхан, Д.Бат-Эрдэнэ, Н.Наранбаатар нарыг мөрдөн шалгах ажиллагааны явцад УИХ-ын гишүүний халдашгүй бүрэн эрх нь саад учруулж байгаа тул эрхийг нь түдгэлзүүлэх саналыг прокурорт гаргаж буйгаа мэдэгдсэн билээ.

Түүнчлэн дөрвөн гишүүн болох А.Адъяасүрэн, Ш.Раднаасэд, Б.Энх-Амгалан, Ж.Мөнхбат нарыг цаашид мөрдөн шалгах ажиллагаанд саад учруулбал АТГ-аас УИХ-ын гишүүний бүрэн эрхээс нь түдгэлзүүлэн шалгах саналыг мөн Прокурорт хүргүүлэхээ санууллаа.

Тодруулбал,

1. УИХ-ын гишүүн А.Адъасүрэн хахууль өгөх гэмт хэрэгт,
2. УИХ-ын гишүүн Ш.Раднаасэд улс төрд нөлөө бүхий этгээд албан тушаалын байдлаа урвуулан ашиглаж бусдад давуу байдал бий болгон хохирол учруулсан,
3. Б.Энх-Амгалан нар улс төрд нөлөө бүхий этгээд албан тушаалын байдлаа урвуулан ашиглаж бусдад давуу байдал бий болгон хохирол учруулсан,
4. УИХ-ын гишүүн Ж.Мөнхбат улс төрд нөлөө бүхий этгээд албан тушаалын байдлаа урвуулан ашиглаж, бусдад давуу байдал бий болгон хохирол учруулсан, үндэслэлгүйгээр хөрөнгөжих зэрэг үндэслэлээр эрүүгийн хэргийн зүйл ангиар яллагдагаар татагдаад буй.