АН-аас Монгол Улсын 2023 оны төсвийн талаар мэдээлэл хийлээ. АН-ын Ерөнхий нарийн бичгийн дарга И.Мөнхжаргал "Монгол Улс анх удаа хамгийн их дүнтэй буюу 20.5 тэрбум төгрөгийн төсөв батлуулахаар УИХ-д өргөн мэдүүлсэн. Энэ нь асар их үргүй зардал бий болгох учир АН-аас МАН-д өнгөрсөн аравдугаар сарын 18-ны өдөр шаардлага хүргүүлсэн. Харин уг шаардлагын хариуд МАН-аас АН-тай хамтран ажлын хэсэг байгуулах санал ирүүлсэн. Хамтран ажиллах санал тавьж байгаад баярлалаа. Гэхдээ МАН урхи тавихаа болих хэрэгтэй. Бид ажлын хэсэгт орж ажиллахгүй. МАН-ын саналд үгүй гэж хариулж байна. Учир нь 20.5 тэрбум төгрөгийн төсөв батлах гэж байгаа үрэлгэн зардалдаа АН-ыг татан оролцуулж хамтран ажилласан мэтээр дүр эсгэх гэж байгаа бол тийм зүйл байхгүй. Төсөвт хэлэх шүүмжлэл, санал дүгнэлтүүдээ УИХ дахь АН-ын бүлгээр хүргүүлэн гэдгээ албан ёсоор мэдэгдэж байна" хэмээлээ.