Хүний эрхийн үндэсний комиссоос /ХЭҮК/ ТҮЦ эрхлэгч иргэдээс гаргасан гомдлыг шалгаж байгаа. Тэгвэл энэ талаар өнөөдөр мэдээлэл хийлээ. Өнөөдрийн байдлаар 20 орчим иргэн ХЭҮК-ын гадаа суулт зарласаж, мөн 7 иргэн өлсгөлөн зарлажээ.

ХЭҮК-ийн гишүүн Б.Энхболд:

-Шалгалтын явцад хүний эрх зөрчигдөж, эрх чөлөөнд нь халдсан, эд хөрөнгө нь устаж гэмтсэн гэх агуулгатай гурван иргэн хандсан. Эдгээр иргэд бүгд аппликейшний зээл, өдрийн зээл, мөн том худалдааны төвүүдээс падан болон урьдчилсан хэлэлцээрээр 5-30 сая төгрөг хүртэлх зээлүүдийг авсан байдаг юм байна. Энэ зээлээ төлж амжаагүй байтал албадан нүүлгэх ажиллагаа явагдсан. Үүнтэй холбоотойгоор бараа бүтээгдэхүүнээ гэртээ хураасан, тодорхой байгууллагуудад хадгалсан, зарим нь тэр чигэээрэ ачигдаад явсан. Хэрэв урьдчилж мэдэгдсэн бол хариу арга хэмжээ авах байсан гэж комисс үзсэн.