Улсын харцага Г.Ганхуягийг "Бусдын амь насанд заналхийлсэн" гэх үндэслэлээр өнгөрсөн амралтын өдрүүдэд хойшлуулашгүй ажиллагаагаар цагдан хорьсон байдаг. Тодруулбал тэрбээр цахим хуудаснаа "Үхэлтэй нүүр тулаад олны хандиваар арай гэж амьд үлдсэн хүмүүс сүнсээ худалдчихаад ирсэн байдгийг Н.Учрал, Н.Тэгшбаяр хоёрын жишээн дээр нүдээрээ харлаа. Хэн үхэх ялтай вэ" гэх утгатай пост оруулаад устгасан юм.

Тэгвэл Г.Ганхуягийг цагдан хорьсон 48 цагийн хугацаа дууссан бөгөөд прокурорын байгууллагаас үргэлжлүүлэн хорих саналаа шүүхэд хүргүүлжээ. Прокурорын саналыг хэрхэн шийдвэрлэсэн талаар бид эргэн мэдээлэх болно.