Хөвсгөл аймаг, Улаан-Уул сум Мунгараг багийн нутагт өнгөрсөн ням гарагт гарсан гал түймрийг өчигдөр бүрэн унтраажээ. Урьдчилсан байдлаар 225 га талбай шатсан болохыг Онцгой байдлын газраас мэдээлэв.

Түймрийн голомтод аймгийн Онцгой байдлын газар, Хилийн цэргийн 0257 дугаар ангийн харьяа Улаан-Уул сум дахь 0298 дугаар салбар, Улсын тусгай хамгаалалттай газрын байгаль хамгаалагч нар ажиллаж, 09.15-ны өдрийн 15:25 цагт ойн гал түймрийг цурамд оруулж, 09.16-ны өдрийн 10:30 цагт бүрэн унтраасан байна.