2018 онд авлига, албан тушаалын хэрэгт шалгагдаж эхэлмэгц УАЗ 469 машинд сууж, хил давсанаас хойш эх орондоо эргэж ирээгүй байсан УИХ-ын гишүүн, ХХААХҮ-ийн сайд асан Т.Бадамжунайг Засгийн газраас зохион байгуулж буй "Таван Ш" ажиллагааны хүрээнд өнөөдөр Сөүл-Инчеоны онгоцоор авч ирсэн билээ. Тэгвэл Т.Бадамжунайтай холбоотой мэдээллийг, түүний зурагтай нь хамтаар Филиппин улсын хэвлэл болох "Philippine news agency" сайт нийтэлжээ.

Тус нийтлэлд "Авлигын хэргээр эрэн сурвалжлагдаж байсан Монголын экс сайдыг албадан гаргалаа” хэмээн бичсэн байгаа юм. Мөн тус нийтлэлд "Т.Бадамжунайг манай улсын Себу хотод байгаа гэдгийг Монгол улсын талаас бидэнд мэдэгдсэн. Харин Филиппин хотын хууль хүчний байгууллагууд ард түмэн олон нийтийн аюулгүй байдлын төлөө эдгээр гэмт хэрэгтнүүдийг илрүүлэн баривчилна" хэмээжээ.