Монгол улсын Ерөнхий сайд асан, МАН-аас нэр дэвшигч Ж.Эрдэнэбатыг цагдан хорих шийдвэрийг өчигдөр Сүхбаатар дүүргийн Эрүүгийн хэргийн анхан шатны шүүхээс гаргасан билээ. Тэгвэл энэ асуудлаар МУ-ын Ерөнхий сайд асан С.Баяр "УИХ-ын гишүүний бүрэн эрхтэйгээ байгаа, мөн СЕХ-ноос нэр дэвшигчийн үнэмлэхээ авсан хүнийг ийнхүү цагдан хорих нь хууль бус" хэмээн байр сууриа илэрхийлжээ. Тэрээр өөрийн твиттер хуудастаа ийн жиргэсэн байна.
МАН-аас нэр дэвшигч Ж.Эрдэнэбатыг сүүлийн хоёр удаагийн шүүхэд өөрийн биеэр ирээгүй бөгөөд зургадугаар сарын 9-ны өдөр шүүхийн тусгай дансанд 10 тэрбум төгрөгийн барьцаа байршуулахаар шийдвэрлэснийг мөрдөөгүй хэмээн цагдан хорьсон юм.
