Завхан аймгийн Их-Уул сумын Цэцүүх багийн “Нам” гэх газарт ойн түймэр гарч, урьдчилсан байдлаар 1.4 га талбай өртөж шатжээ. Түймрийн талаарх дуудлагыг есдүгээр сарын 17-ны 17:35 цагт хүлээн авсан байна.
Тус газар нь аймгийн төвөөс зүүн зүгт 279, Их-Уул сумын төвөөс 55, Тосонцэнгэл сумаас 100 километрийн зайд оршдог аж.
Онцгой байдлын алба хаагчид болон орон нутгийн иргэд хамтран ажиллаж, түймрийг есдүгээр сарын 18-ны 12:00 цагт цурамд оруулан, 14:32 цагт бүрэн унтраажээ. Улмаар түймрийн голомтыг аймгийн Засаг дарга болон байгаль хамгаалагчдад хүлээлгэн өгсөн байна.
Сэтгэгдэл (0)
Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!