Монгол Улсад орчин цагийн дипломат алба байгуулагдсаны 110 жилийн түүхэн ойг тохиолдуулан Гадаад харилцааны сайд Б.Батцэцэг гадаад харилцааны үе үеийн сайд нарыг хүлээн авч хүндэтгэл үзүүлжээ.
Монгол төрийн нэрт зүтгэлтэн, мэргэжлийн анхны дипломатчдын нэг, Гадаад явдлын яамны урт хугацааны сайд агсан М.Дүгэрсүрэнгийн мэндэлсний 100 жилийн ойн өдөр болсон энэ уулзалтад Монгол Улсын Гадаад харилцааны 23, 24 дэх сайд Ц.Гомбосүрэн, 25 дахь сайд М.Энхсайхан, 27 дахь сайд Р.Амаржаргал, 30 болон 37 дахь сайд Ц.Мөнх-Оргил, 31 дэх сайд Н.Энхболд, 33 дахь сайд С.Батболд, 34 дэх сайд Г.Занданшатар, 39 дэх сайд Н.Энхтайван нар оролцжээ.
