“Youtube” Д.Трампын сувгийг түр хаажээ

Ангилал
Дэлхий дахинд
Хэзээ
2021/01/13
Унших
1 минут 12 секунд

АНУ-ын Ерөнхийлөгч Дональд Трампын "Donald J Trump" нэртэй суваг дүрэм журмыг зөрчсөн тул шинэ дүрс бичлэг, шууд бичлэг оруулах боломжийг нь түр хугацаагаар хязгаарлаж байна гэж “Youtube” платформ мэдэгдлээ.

“Уг сувагт хамгийн багадаа долоо хоногийн турш контент оруулах боломжгүй болсон бөгөөд цаашид сунгаж магадгүй. Мөн өмнө нь байршуулсан дүрс бичлэгийг нь устгасан” гэж “Youtube” мэдэгдсэн боловч ямар контент энэхүү шийдвэрийг гаргахад хүргэсэн талаар тодорхой дурдаагүй байна. Үүний зэрэгцээ Д.Трампын суваг дахь дүрс бичлэгүүдийн доорх сэтгэгдлүүдийг харагдахгүй болгосон байна.

Ерөнхийлөгчийг дэмжигчид өнгөрсөн долоо хоногт Капитолын байр луу халдаж, сонгуулийн дүнг батлах хуралдааныг тасалдуулсан бөгөөд эмх замбараагүй байдлын үеэр таван хүн амиа алджээ. Үүнтэй холбогдуулан “Facebook”, “Twitter” компани Д.Трампын нийгмийн сүлжээний хаягийг түр хязгаарлаж, хожим нь “Twitter” түүний хаягийг бүрмөсөн хаах шийдвэрийг гаргаснаа мэдэгдэв. 

Сэтгэгдэл (0)
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд хариуцлага хүлээхгүй. !!!

Төстэй мэдээллүүд: