Якутын Оймякон дүүрэгт 55 градус хүрч хүйтрэв. Үүний улмаас дөрвөн дунд сургууль үйл ажиллагаагаа зогсоожээ.

Тодруулбал, Оймякон, Томтор, Ючюгей, Орто-Балаган тосгонд 55-57 градус хүйтэн байгаатай холбогдуулан 370 сурагчийг зайны сургалтад шилжүүлсэн байна. Даваа гаргаас 1-5 ангийн сурагчдыг зайны сургалтанд түрүүлж шилжүүлсэн байна.

Энэ сарын 9-нөөс тус бүс нутагт эрс хүйтэрч эхэлжээ. Оймякон нь хойд туйлын хүйтэн бүсэд багтдаг, хүн амьдрахад хамгийн хүнд нөхцөлтэй суурин газрын жагсаалтад багтдаг. зэргэлдээ орших Томторт 1933 онд 67.7 градус хүрч хүйтэрсэн нь түүхэнд тэмдэглэгджээ.