Монголын сагсан бөмбөгийн шигшээ баг өнөөдөр 19:00 цагаас Вьетнамын шигшээ багийг талбайдаа буюу M Bank arena-д хүлээн авч тоглоно.

Тэгвэл шигшээ багийн бүрэлдэхүүнд нийт 12 тоглогч багтсан бөгөөд багийг ерөнхий дасгалжуулагч Фрагкиас Василиос удирдан ажиллана. Харин туслах дасгалжуулагчаар Б.Тамжид, Ц.Азбаяр, Б.Ганхөлөг нар ажиллах бол биеийн нөхөн сэргээх эмчилгээний мэргэжилтнээр Масурас Константинос, эмчээр С.Намуунаа ажиллахаар болсон.

Харин шигшээ багийн үндсэн бүрэлдэхүүнд О.Эрдэнэцогт, Ш.Энхийн-Од, Б.Барсболд, А.Азбаяр, Г.Болор-Эрдэнэ, Т.Ууганбаяр, Д.Баясгалан, Э.Саруул-Эрдэнэ, А.Энхбаясгалан, С.Биндэръяа, Э.Сугар-Очир, Х.Оргил нар багтсан бөгөөд Монголын шигшээ багийн түүхэн дэх хамгийн хүчтэй бүрэлдэхүүнээ цуглуулсан гэж үзэж байгаа юм.