Нийслэлийн Засаг дарга бөгөөд Улаанбаатар хотын Захирагч Х.Нямбаатар цаг үеийн асуудлуудаар тайлбар мэдээлэл өгөх үеэр түүний цалингийн талаар сэтгүүлч тодруулжээ.

Учир нь түүний охины "Инстаграм"-д нийтэлсэн зураг олны анхаарлыг татсан юм. Хотын дарга хэлэхдээ "Миний сарын цалин 3 сая төгрөг орчим. Мөн хамаарал бүхий компанийн орлогууд бий. Гэхдээ миний хамаарал бүхий компани Төрийн худалдан авах ажиллагаанд нэг ч удаа оролцоогүй. Сүүлийн найман жилийн хугацаанд сард 300-400 сая төгрөгийн татвар төлсөн байна" гэжээ.