Хан-Уул дүүргийн 3 дугаар хороо, Механик инженерийн сургуулийн хойно ус ихээр тогтдог байршилд авто замын борооны ус зайлуулах 170 метр шугам угсарлаа. Нөхөн сэргээлтийн ажлыг есдүгээр сарын 27-нд хийж дуусгахаар төлөвлөж буй. Энэ талаар эх сурвалж мэдээлэхдээ,

"Механик инженерийн сургуулийн хойно шугам угсралтайг өнгөрөгч бямба гарагт хийж дууссан. Одоогоор нөхөн сэргээлтийн ажил үлдсэн байгаа ба энэ баасан гарагт хийж дуусгах юм.

Энэ жил нийтдээ Нийслэлийн Засаг даргаас өгч буй үүрэг даалгаврын дагуу 15 байршилд буюу 5,1 км замд авто замын борооны ус зайлуулах шугам угсралтыг хийж гүйцэтгэсэн" гэх мэдээллийг өглөө.