Сүүлийн үед зам шинэчлэлийн ажил үргэлжилж, төв замуудыг хэсэгчлэн хааж байна. Энэ нь түгжрэл үүсгэж, иргэдийг бухимдуулж байна. Тэгвэл одоо хаалттай болон өнөөдрөөс хаах замуудын мэдээллийг хүргэж байна.

• Баянзүрх дүүрэг, 13, 37, 42 дугаар хороо, Нарны зам, Өгөөмөр захаас Чулуун овооны тойрог хүртэлх авто замын хэсэгчилсэн засвар, шинэчлэлийн ажил 2024 оны 09 дүгээр сарын 21-ний өдрийн 23:00 цагаас 2024 оны 09 дүгээр сарын 24-ний өдрийн 06:00 цагийн хооронд,
• Хан-Уул дүүрэг, 17 дугаар хороо, Их Монгол улсын гудамжны авто зам, Их тэнгэрийн уулзвараас “И-Март” худалдааны төвийн уулзвар хүртэлх авто замын хэсэгчилсэн засвар, шинэчлэлийн ажил 2024 оны 09 дүгээр сарын 22-ны өдрийн 23:00 цагаас 2024 оны 09 дүгээр сарын 26-ны өдрийн 06:00 цагийн хооронд,
• Хан-Уул дүүрэг, 15, 18-р хорооны нутаг дэвсгэр, Нийслэл хүрээ өргөн чөлөөний авто зам 120 мянгатын уулзвараас “И-МАРТ” худалдааны төв хүртэлх авто замын хэсэгчилсэн засвар, шинэчлэлийн ажил хойд хэсгийн замыг засварлах хугацаа, 2024 оны 09 дүгээр сарын 23-ны өдрийн 23:00 цагаас, 2024 оны 09 дүгээр сарын 26-ны өдрийн 06:00 цагийн хооронд, Урд хэсгийн замыг засварлах хугацаа 2024 оны 09 дүгээр сарын 26-ны өдрийн 23:00 цагаас 2024 оны 09 дүгээр сарын 28-ны өдрийн 06:00 цагийн хооронд тус тус хааж засварлана.

Иймд иргэд, жолооч та бүхэн бусад замыг сонгон хөдөлгөөнд оролцоно уу.