“Парис-2024” зуны 17 дугаар паралимпын наадам өчигдөр эхэлсэн. Таван тивийн 168 орны 4400 гаруй тамирчин спортын 22 төрөлд 549 багц медалийн төлөө өрсөлдөх юм. Тус наадамд манай улсаас зургаан спортын төрөлд 12 тамирчин оролцож байна.
Өнөөдөр манай улсаас таеквондогийн эрэгтэйчүүдийн 63 кг-ын жинд гавьяат тамирчин Г.Болор-Эрдэнэ өрсөлдөх юм. Г.Болор-Эрдэнэ нь дэлхийн таван удаагийн аварга, Ази тивийн таван алтан медальт, “Ханжоу-2022” Азийн наадмын аварга тамирчин билээ.
