Хилийн цэргийн алба хаагч согтууруулах ундааны зүйл хэрэглэсэн үедээ амиа егүүтгэсэн гэх мэдээлэл олон нийтийн сүлжээнд гараад буй.

Энэ талаар ЦЕГ-ын ХМТ-өөс тодруулахад "Өчигдөр буюу энэ сарын 18-ны өдөр Завхан аймгийн Тэс суман дахь Хилийн цэргийн дугаар ангийн алба хаагч нь амиа алдсан байдалтай олдлоо гэх дуудлага мэдээлэл ирсэн. Энэ дагуу холбогдох шинжилгээг хийж, шалгалтын ажиллагааг явуулж байна" гэх тайлбарыг өглөө.