УИХ-ын ээлжит бус чуулганы хуралдаанаар төсвийн тодотголыг хэлэлцэж буй. Энэ үеэр Сангийн сайд Б.Жавхлан болон Төсвийн тогтвортой байдлын зөвлөлийн дарга Н.Энхбаяр нарын хооронд маргаан үүсэв.

Тодруулбал, Сангийн сайд Б.Жавхлан "ЗГ-аас Төсвийн тогтвортой байдлын хуулийн нэмэлт өөрчлөлтийн нэг ч заалтыг дэмжээгүй байхад УИХ-аар оруулж батлуулсан. Үүнийг гаднын байгууллагууд сонсвол ухаан алдаж унана. Гэтэл Төсвийн тогтвортой байдлын зөвлөл нь улстөрчдийн захиалга мэт дүгнэлт уншиж байна лээ" гэсэн юм. Түүнийг ийнхүү байр сууриа илэрхийлсний дараагаар Төсвийн тогтвортой байдлын зөвлөлийн дарга Н.Энхбаяр "Би төрийн албанд 32 жил ажиллахдаа улс төрчийн захиалгаар ажиллаж байгаагүй. Бид хараат бусаар дүгнэлтээ гаргасан" гэсэн юм.