Сэлбэ дэд төвийн гэр хорооллыг орон сууцжуулах төслийн газар чөлөөлөлт 76 хувьтай үргэлжилж байна. Энэ хүрээнд НЗД-ын нэгдүгээр орлогч Н.Мандуул болон нийслэлийн Ерөнхий архитектор Ч.Төгсдэлгэр Сэлбэ дэд төвд ажиллалаа. Энэ үеэр Нийслэлийн Ерөнхий архитектор Ч.Төгсдэлгэр "Дэд төв байгуулснаар хотын төвийн төвлөрөл СААРНА. Хүний болон эдийн засгийн урсгалыг дэд төв рүү оруулснаар түгжрэл буурна" гэв.