Монголын рок попын хөгжмийн амьд домог болсон “Харанга” хамтлагийнхан 35 жилийн ойдоо зориулан “Амьдрал” амьд хөгжмийн наадмыг 2024 оны наймдугаар сарын 24-нд Төв цэнгэлдэх хүрээлэнд зохион байгуулахаар болсон билээ.

Тэгвэл уг тоглолтын "VIP" болон "Fan zone" тасалбар худалдаанд гарсан бөгөөд ticket.mn сайтаас худалдан авах боломжтой юм байна.

1989 оны 12 дугаар сарын 26-нд Улсын Драмын Эрдмийн Театрт “Амьдрал” нэртэй анхны тоглолтоо хийж байсан тэд 35 жилийн ойн тоглолтоо ч алдарт “Амьдрал” дуугаараа нэрлэжээ. Өнөөдрийг хүртэл тус хамтлаг 18 удаагийн бүрэн хэмжээний тоглолт зохион байгуулсан.

“Харанга” хамтлагийнхан Төв цэнгэлдэх хүрээлэнд анх удаа тоглолтоо зохион байгуулж байгаа бөгөөд “Амьдрал” амьд хөгжмийн наадмын ерөнхий зохион байгуулагчаар “PPL”, хамтран зохион байгуулагчаар “Mongol Event” ажиллаж байгаа аж. Энэхүү амьд хөгжмийн наадамд 35 хамтлаг, дуучид ая дуугаа өргөх өргөх бөгөөд “Харанга” хамтлагийнхан тоглолтынхоо өмнө реалити шоу цацаж, шинэ уран бүтээлээс гадна хуучны дуунуудаасаа дүрсжүүлэн олны хүртээл болгох нь ээ.