"Алтаргана-2024" наадам долоодугаар сарын 26-28-ны хооронд Булган аймагт болно. "Алтаргана-2024" их наадмын талаар Буриад соёл, өв уламжлалыг хөгжүүлэх сангаас өнөөдөр /2024.07.23/ мэдээлэл хийлээ.

Энэ үеэр тус сангийн тэргүүн С.Билэгсайхан "Би 34 жил буриад өв соёл, уламжлалыг хөгжүүлэх чиглэлээр явж байна. Манай наадмын зорилго нь буриад түмний өв соёл, уламжлал, зан заншлыг хадгалж, өвлүүлэн уламжлуулах, дэлхийгээр тархсан буриад зоныг нэгтгэх зорилготой.

Наадамд 4650 гаруй оролцогчид, 100 гаруй шүүгч оролцоно. Алтаргана наадмын бэлтгэл үйл явц сайн байгаа. Аль болох жуулчид зочдодоо хүндрэл учруулахгүй, аятай тухтай байлгахыг бодож ажиллаж байна. Наадмын үеэр спорт урлагийн олон уралдаан тэмцээн болно" гэлээ.

О.АНУЖИН