"Zarig.mn" сайтын эрхлэгч, сэтгүүлч Н.Өнөрцэцэгт холбогдох хэргийн гэм буруугийн шүүх хурал өнөөдөр хоёр дахь өдрөө үргэжиллээ. Тэгвэл тэрбээр өөрийн цахим хуудсаараа дамжуулан,

"4 жил 9 сар хорих ял авлаа. Аав аа. Хэлмэгдүүлчихлээ шүү дээ" хэмээн нийтэллээ.

Сануулахад, Н.Өнөрцэцэг нь шүүх хуралд гурван өмгөөлөгчтэй оролцсон бөгөөд өчигдрийн хуралд тодорхой шалтгааны улмаас хоёр өмгөөлөгч ирээгүй. Иймд тэрбээр өөрт нь холбогдуулан шалгаж буй гурван хэргийг тус бүрд нь хувааж өмгөөлүүлэхээр гэрээ байгуулсан гэдгийг хэлж, өмгөөлүүлэх эрхээр хангаж өгөөч хэмээн шүүх хурлыг хойшлуулж өгөхийг хүссэн ч хүлээж аваагүй юм. Ийнхүү тэрбээр өмгөөлөгчгүй шүүх хуралд оролцов.