Засгийн газрын хуралдаанаар Цахим хөгжил, харилцаа холбооны яамны дэд сайд Б.Болор-Эрдэнийг үүрэгт ажлаас нь чөлөөлсөн. Тэрбээр Олон улсын хуралдаанд оролцож байхдаа Орост сургууль төгссөн, боловсрол эзэмшсэн төрийн дунд шатныхантай холбоотой хэлсэн үг олон нийтийн эгдүүцлийг хүргэж, Бага хурлын гишүүд болон иргэдийн зүгээс огцруул гэсэн шаардлагыг тавьж эхэлсэн байдаг. Харин энэ дагуу тэрбээр үүрэгт ажлаасаа чөлөөлөгдөх хүсэлтээ өгсөн юм.

Эл үйл явдлын дараахан Ерөнхий сайд асан С.Баяр өөрийн албан ёсны твиттер хуудаснаа "Атаархал… Гоё төрсөнд нь. Сайд болсонд нь. Сайдаас больж чадсанд нь. Атаархал бол ялагдлаа хүлээж буйн илрэл" хэмээн жиргэв.