Сурагчдаасаа "IPHONE-14" нэхэж уурласан Нийслэлийн тавдугаар сургуулийн 11 дүгээр ангийн багш П-г үүрэгт ажлаас нь чөлөөлжээ. Тэрбээр сурагчдаасаа утас нэхсэн нь анхны үйлдэл биш бөгөөд өмнө нь "IPHONE-X" авахуулсан байна.

Мөн тэрбээр ангийнхаа сурагчдын чатад "Санамсаргүй нэг зураг орууллаа шүү. Өрөнд оров оо" хэмээн 139 мянган төгрөгийн үнэтэй сав суулганы ком-ын зураг оруулсаныг нь ангийнхан нь олон нийтэд ил болгосон юм. Түүний үйлдлүүдийг тэвчээгүй сурагчид эцэг эхдээ хэлж, улмаар эцэг эх нь сургуулийн захиргаанд гомдол гаргасан. Энэ дагуу сургуулийн удирдлагууд шалгалт хийж, улмаар багш П-г ажлаас нь халах шийдвэр гаргажээ.