АН-аас өнөөдөр /2022.09.08/ цаг үеийн асуудлаар мэдээлэл хийсэн. Энэ үеэр АН-ын Ерөнхий нарийн бичгийн дарга Ч.Өнөрбаяр "МАН-ын Ерөнхий нарийн бичгийн дарга нь ЗГХЭГ-ын дарга болчихлоо. Энэ бол 1990 оноос өмнөх нам, төр нэг байдаг тогтолцоо руу орох гэж байна. Ингэж болохгүй. Д.Амарбаясгалан та ажлаа өгөх хэрэгтэй. Таниас өөр ЗГХЭГ-ын дарга хийчих хүн байгаа байлгүй дээ. Д.Амарбаясгалан 2024 онд намаа ялуулахын тулд сайд боллоо гэж хэлсэн. Монгол Улсын асуудлыг шийдэх гэж ЗГХЭГ-ын дарга болох ёстой болохоос биш 2024 онд МАН-ыг сонгуульд ялуулахын тулд Генсек нь сайд боллоо гэж хэлдэг байж болохгүй. 2024 онд төсвийн болоод татвар төлөгчдийн бүх мөнгийг сонгуульдаа зарахад дайчлах гэж байна" гэлээ.