АН-аас өнөөдөр /2022.09.08/ цаг үеийн асуудлаар мэдээлэл хийсэн. Энэ үеэр АН-ын Эдийн засаг хариуцсан дэд дарга Ч.Отгочулуу "Манай улсын Засгийн газар бодлого явуулахаас гадна сайд нар нь мэдлэггүй байна. Шинээр томилогдсон ХХААХҮ-ийн сайд Х.Болорчулуун нь 1000 төгрөгийн талх буюу хамгийн хямд талх хэрэглэж байгаа гэж хэлсэн. Гэтэл бид дэлхий дээр дундаж үнэтэй талх хэрэглэж байгаа. Мөн ХЗДХ-ийн сайд Х.Нямбаатар манай эдийн засгийн 90 хувийг уул уурхай бүрдүүлдэг гэж хэлсэн. Уг нь 20 хувь юм. Үүнээс дүгнэхэд, манай сайд нар эдийн засгийн суурь мэдлэггүй байна. Ийм учраас бодлогын алдаа гаргахад хүргэж байна" гэв.