Өнгөрөгч тавдугаар сард Баянзүрх дүүргийн нутаг дэвсгэрт 45 настай лам "Ө" нь айлд засал хийхээр очихдоо 15 настай охиныг нь "сэржим өргүүлнэ" хэмээн дуудан гаргаж, автомашиндаа суулган шашны зан үйл хийж байгаа нэрийдлээр охины цээжин хэсгийн хувцсыг тайлуулж бэлгийн ёс бус үйлдэл гаргаж, улмаар хүчирхийлсэн байж болзошгүй хэрэг гарсан. Уг хэрэгт холбогдуулан шалгагдаж буй шүүгдэгч Ө-д холбогдох хэргийн гэм буруугийн шүүх хурал өнгөрөгч Баасан гарагт Баянзүрх дүүргийн эрүүгийн хэргийн анхан шатны шүүхэд болох байсан ч түр хугацаагаар хойшилсон юм.

Ингэхдээ шүүх хурлын үеэр шүүгдэгч "Ө" нь өөрийгөө цагаатгуулах байр суурьтай байгаагаа илэрхийлсэн ба эхний удаад шүүх бүрэлдэхүүнээс татгалзах санал гаргасан юм. Иймд Баянзүрх дүүргийн 13 шүүгч нэгдэн тус саналыг хэлэлцэх бөгөөд хариуг маргааш гаргах юм.