Нийслэлийн АН-аас "Монголоо Беларусь болгохгүй" нэртэй цуглааныг Хэлмэгдэгсдийн хөшөөний дэргэд зохион байгуулах үеэр зарим иргэд гавьяат жүжигчин Д.Сосорбарам руу гурил цацсан юм. Эл үйл явдалд МУГЖ Д.Сосорбарам өөрийн байр суурийг илэрхийлэв. Тэрбээр "Би өчигдрийн гурил цацсан үйл явдалд "баяртай" байгаа. Үзэл санааны ялгарал тод томруун гарсан явдалд би баярлаж байна. Фашист, социалистууд ямар авир гаргадгийг та бүхэн харсан. Эрх чөлөө гэдэг бол хэдий уур хүрч байвч миний гар нөгөө хүнд хүрэхгүй татаж авахыг хэлдэг" гэв.