УИХ-ын чуулганы хуралдаанаар Төсвийн тодотголын хоёр дахь хэлэлцүүлгийг хийх үеэр УИХ-ын гишүүн М.Оюунчимэг гэр хороолол руу татах инженерийн шугам сүлжээ буюу дэд бүтцийн төсвийг хасахгүй байх талаар санал гаргаж, түүнийгээ гэр хорооллын айл өрхийн жорлонг янзлах төсөв хэмээн тайлбарласан нь олон нийтийн шүүмжлэлийг дагуулсан. Тэрбээр энэ талаараа "Айл өрхийн дундын шугам буюу хэсэгчилсэн инженерийн дэд бүтцийн тухай санал юм. Түүнээс биш айлын хашаа руу ороод жорлон барих тухай асуудал огт биш. Агаар хөрсний бохирдол буюу дундын шугам татах нь олон эерэг нөлөөллийн эхлэл болно" гэв.