Улсын Ерөнхий прокуророос УИХ-ын гишүүн Г.Амартүвшин, Х.Ганхуяг, Ё.Баатарбилэг, Н.Алтанхуяг нарын бүрэн эрхийг түдгэлзүүлэх саналыг УИХ-д хүргүүлсэн. Энэ дагуу өнөөдөр Халдашгүй дэд байдлын хороо хуралдсан ч "Гишүүдийн бүрэн эрхийг түдгэлзүүлэх шаардлагагүйгээр өөр бусад 27 аргаар мөрдөн шалгах боломжтой. Мөн АТГ-ын мөрдөн шалгах ажиллагаанд огт саад учруулаагүй" хэмээн үзсэн юм.

Одоо ХЗБХ хаалттай хуралдаж, дэд хорооны дүгнэлтийг хэлэлцэж байна. Үргэлжлүүлэн ТББХ хуралдаж, улмаар чуулганы нэгдсэн хуралдаанаар уг асуудлыг эцэслэн шийдэх юм.