УИХ-ын хаврын чуулган нээлтээ хийлээ. Чуулганд Ерөнхийлөгч У.Хүрэлсүх, Ерөнхий сайд Л.Оюун-Эрдэнэ, яам агентлагийн дарга нар болон хуулийн байгууллагын удирдлагууд оролцсон юм. Чуулганыг нээж УИХ-ын дарга Г.Занданшатар үг хэллээ.
Тэрбээр "Парламентын цахим шилжилт хийх зайлшгүй шаардлагатай. Иргэдийн оролцоог дэмжсэн цахим орчинг бүрдүүлж, олон нийтэд ээлтэй ил тод цахим парламент болох зорилтыг дэвшүүлсэн. Мэдээллийн технологийн дэвшил олон улсад асар хурдан нэвтэрч байна. Бид үүнээс хоцрох ёсгүй. Тиймээс хуралдааны явцад гишүүдийг бүртгэх үг хэлэх санал өгөхөд хурууны хээг ашигладаг болсноор "төгөлдөр хуурддаг" буруу жишгийг халсан. Үр дүнд нь хуралдааны ирц гишүүдийн хариуцлага сайжирсан. Цаашид нүүр таньдаг системийг суурилуулахаар ажиллаж байна" гэв.
