УИХ-ын гишүүн Ж.Сүхбаатар сонгуулийн тогтолцооны талаар байр сууриа илэрхийллээ. Тэрбээр "Гадаад улсуудад дэмжиж буй хүнийхээ ухуулагчийг сайн дураараа хийдэг. Ухуулагчийн ажлын зорилго нь ухуулга биш сонгогчийн санал худалдан авах ажил болчхоод байна. Дэлхийд Монгол шиг нүсэр бүтэцтэй намын тогтолцоо байхгүй. Гэтэл сонгуулиар нэмж ухуулагч ажиллуулдаг. Тиймээс сайн дурын ажилчид ажиллах хөшүүргийг бий болгох хэрэгтэй. Төлбөртэй ухуулагч нь сонгуулийн авлигажсан сүлжээг өөгшүүлж, зорилго нь ч хангагдахаа больсон. Тиймээс ухуулагчийн ажлыг сонгуулиас хасах шаардлагатай" гэлээ.