Ногоон автобусны худалдан авах ажиллагааг хянан шалгах нээлттэй сонсгол үргэлжилж байна.

Энэ үеэр УИХ-ын гишүүн Т.Доржханд "Бодит үнэн юу вэ гэхээр хуучин автобус оруулж ирсэн. Бид тэрийг нь нотолсон. "Евро-2" оруулж ирсэн гээд бүгд хууль зөрчсөн" гэх байр суурийг илэрхийлэв.

Харин Түгжрэлийг бууруулах үндэсний хорооны дарга асан Ж.Сүхбаатар "Та хуучин автобус гэж яриад байна. Шүүх дээр тогтоогдоогүй байгаагаас гадна дүгнэлтүүд нь ч ингэж гараагүй. Уг нь танай намын П.Наранбаяртай утсаар яриад, хил дээр ажиллах боломж олгож байсан хүн нь би. Гэтэл 2 цагийн дараа "Би Ж.Сүхбаатарт хүсэлт тавьсан" гэж ярьсан" гэх хариу тайлбарыг өглөө.