Нийслэлийн Удирдах ажилтнуудын хурал болж байна. Өнөөдрийн хуралдаанаар сайжруулсан түлшний асуудлыг хэлэлцэж байгаа аж. Учир нь сайжруулсан түлш хомстолд орж, цэгүүдэд иргэд олон цагаар дугаарлаж, түлш авч байгаа юм.

Хэдийгээр сайжруулсан түлшний үйлдвэрлэл, цэг байгуулах асуудлыг ТАВАНТОЛГОЙ ТҮЛШ, Эрчим хүчний яам хариуцдаг хэдий ч Улаанбаатар хотын иргэдийн амьдралтай холбоотой асуудал учраас Хотын дарга нөхцөл байдлыг Ерөнхий сайдад танилцуулахаар боллоо гэж Нийслэлийн Засаг даргын Хэвлэлийн төлөөлөгч Н.Сугар мэдээллээ.