Нийслэлийн Удирдах ажилтнуудын хурал болж байна. Өнөөдрийн хуралдаанаар сайжруулсан түлшний асуудлыг хэлэлцэж байгаа аж. Учир нь сайжруулсан түлш хомстолд орж, цэгүүдэд иргэд олон цагаар дугаарлаж, түлш авч байгаа юм.

Энэ талаар Нийслэлийн Засаг даргын Хэвлэлийн төлөөлөгч Н.Сугар "Сайжруулсан түлшний үйлдвэрлэл, цэг байгуулах ажлыг Тавантолгой түлш, ЭХЯ хариуцдаг. Нийслэлээс зөвхөн цэгүүдэд түгээлт хийх үүрэгтэй. Өнөөдрийн байдлаар нөөц өмнөх оноос 25к тонноор бага байна. Шалтгаан нь баруун үйлдвэрийг нүүлгэнэ гэж 5 сар зогсоосонтой холбоотой. Өнөөдрийн байдлаар сайжруулсан түлшний 281 цэг ажиллаж байгаа. Энэ 7 хоногт 450 болгоно гэж ТАВАНТОЛГОЙ ТҮЛШ компани Нийслэлийн Засаг даргад танилцуулсан" гэв.