Ерөнхий сайдын өгсөн чиглэлийн дагуу ихэнх салбарын үйл ажиллагааг үе шаттайгаар нээж байна. Тодруулбал, ирэх сарын 1-нээс урлаг соёлын арга хэмжээ, караоке, мэргэжлийн тэмцээнүүдийн үйл ажиллагааг нээхээр болсон. Гэвч ХӨСҮТ-ээс урлагийн арга хэмжээг нээснээр халдварын тоо хоёр дахин нэмэгдэнэ гэдгээ илэрхийлээд буй. Тиймээс энэ талаар ЭМЯ-наас тодруулахад "Зарим салбарын үйл ажиллагааг нээх шийдвэрийг ЭМЯ төдийлөн сайн дэмжихгүй байгаа. Тодорхой хязгаарлалтуудыг хийх ёстой гэдэг мэдээллүүдээ УОК-т хүргүүлсэн. Тодруулбал, 22.00 цагаас тодорхой газруудын үйл ажиллагааг хязгаарла гэсэн байр суурь хэвээрээ байгаа" гэлээ.